Košarkaši Teoda savladali su jučer u dvorani na Župi ekipu Peći rezultatom 78:71 i sačuvali nadu da mogu do drugog kruga Balkanske lige, a za tako nešto bit će im potrebne još dvije pobjede: naredna u Kumanovu i zatim protiv Sutjeske u Tivtu.
Ništa na početku nije ličilo da će meč imati ovakav epilog. Domaći su u igru ušli nervozno i rastrzano što su gosti iskoristili.

Ipak, Teodo je u nastavku utakmice popravio svoju igru i igrao je  sve bolje. Najefikasniji je bio Danilo Šibalić i Aleksandar Radulović, koji je pored 16 poena zabilježio pet skokova i čak četiri atraktivne blokade.

TEODO: Šarić, Mičel 9, Pekić, Vrbica 12, Mijović 13, Radulović 16, Subotić 7, Lončar, Jocović, Džonson 2, Šibalić 19, Krivokapić.

PEĆ: Bećiri, Radoni, Rugova 6, Grapči, Šima 2, Hajrizi 23, Brkić 13, Kaduša, Petković 15, Šaptahović, Veseli 12.