Boško Petković dobitnik je prve nagrade u mjesecu studenom nagradne igre "Ulov mjeseca" koju za ribare na Crnogorskom primorju priredjuje tivatske kompanija za proizvodnju i promet ribarske i opreme za more "Una".
Petković je trijumfovao sa ulovljenom strijelkom (zubaticom) težine 7 kilograma. Ovaj kapitalni primjerak strijelke - vrlo agresivnog predatora koji sa lakoćom kida mnogo jače ribarske alate, Petković je ulovio štapom sa obale u Stolivu, koristeću relativno laku opremu nabavljenu baš u "Uni", a mamac je bila varalica tipa "maxx rap 11".

Drugo mjesto pripalo je Novlajninu Borisu Benusiju koji je na pendulanjem na živu lignu, na ulazu u Bokokotorski zaliv, ulovio gofa težine 21 kilogram. Njegov sugradjanin Ante-Koko Arapović osvojio je treće mjesto sa ulovljenim brancinom težine 7,5 kilograma.
"Una" je za studeni dodijelila i jednu specijalnu nagradu za najmladjeg ribara a kojom se okitio devetogodišnji Tivćanin Luka Brkan. Dječak je na varalicu u Tivtu uhvatio hobotnicu težine 2,5 kilograma.
S.L